Thursday, April 7, 2016

ඇය .... නම් වුවාය ...


සුරඟන අවදියක්  පසු නොකළ බව ඇය වරෙක කිවාය .... සමනල  තටු වල පාට හොයනවා වෙනුවට, ඇය ජීවිතය ගෙට ගැසූ  බව ඇගේම සටහන් තුල කියැවුනි ..... 
සොදුරු රුවක් හිමි නොවුනද ... ඇය ... වශීකෘත චරිතයක් වූ බව මගේ නිගමනයයි . රුපය  සහ පුද්ගල අසක්තභාවය අතර සම්බන්ධතාවය මෙහෙම වන්නට ඇතැයි මම සිතමි . නැතහොත් ..... අඩු වැඩි වූ .... ලිංගික පිළිඹිබුවක් ඇය තුල උපතින්ම ඇතැයි සිතමි. 
කාන්තාව ස්වභාවයෙන්ම අවදානම් චරිතයක් යයි ... සමාජ මතයක් පවතියි .... ඇය ඇත්තෙන්ම පිරිමින්ට වඩා, අවදානම් වන්නේ කුමන නිර්ණායක මතද ...? යන්න ගැටළුවක් . ස්ත්‍රී පුරුෂභාවය තවමත් සමාජ ගැටළුවක්ව ඇති බව මේ අනුව පෙනේ. 



කාන්තාව සමතැන් ඉල්ලති . සමාජය මේ කියමන දෙස වපර ඇහෙන් බලයි. යථාර්තය නම් ... පිරිමියා මග හරින සියළු වගකීම් ... ඉටු කිරීමට සිදු වෙන්නේ නැවත කන්තාවටමය. එතකොට මේ සමතැන කාන්තාව වෙත ඉබේම පැවරිලාය. දෙන්න අකමැති ... ඉබේ පැවරෙන මේ කටයුත්ත දෙස බලන සමාජය අනුකම්පා දෑසින්ම .... මේ ශක්තිමත් කාන්තාවගෙන් යමක් ඉල්ලයි . ඒ ලිංගික ආරාධනාවන්ය.
අසම සම වූ මෙවැනි කාන්තා  චරිත සමාජය තුල බිහි වෙන්නේ ... ඉහත ක්‍රියාවලියේ ප්‍රතිපල මත යයි මට සිතේ. 
ඇය සියළු දේ දරන්නිය. මහ මෙරක් තරමට නොසැලී සිටින්නීය. නමුත් ජිවත් වන්නට සිදු වන්නේ මේ කුහක සමාජය තුලමය. 
ඇය බොහෝ දේ කලාය. අන් කාන්තාවන් නොකළ දේ කලාය. මේ ඇගේ ශක්තියද ...? සමාජ වෛරයද ...? නැතහොත් බටහිර අනුකරණයද ...? යන්න තවමත් සිතා ගත නොහැක. 



මේ සියල්ල කරන්න තරම් ඈ තුල වූ ප්‍රබල ආත්ම ශක්තියට අප ගරු කල යුතුය. ජීවිතය දිය කරන කාන්තාවන් ඇති මේ සමාජය තුල ... ඇය සියළු හැගීම් විවරණය වූ කැඩපතකි. 
ඇය යමක් කරයි ... වෙනස ඇය කරන දේ අන් අය  නොකිරිමයි .  කාන්තාව තුල වෙනස් වූ යමක් කරන්න සමාජ බියක් ඇත . ඇයට මේ කිසිත් ගානක් නැත. 
වරෙක ඇය සමාජය ඉදිරියේ නිර්වස්ත්‍ර විය. ඒ නිරුපන අවශ්‍යතාවයටය. සිය සැමියා වෙත සෘජු වාග් ප්‍රහාර එල්ල කලාය. ඒ බිද වැටුණු සිය විවාහය සාධාරණියකරණය  කරන්නටය. එම හේතුවෙන් ඇය තනි වුවා යයි කිසිවිටක නොකිවාය. ඒ කිසිවකට ඔහු (ස්වාමි පුරුෂයා ) පිළිතුරු නොබැන්ද හේතුවද කිසිවකු නොදනි.



වරින් වර මුහුණු පොතේ ඇයගේ වෙනස්ම චායාරුප පලවිය. මේවා ඇය විසින්ම පලකරනු ලැබූ ඒවාය . විවිධ චායාරුප පලවන මුහුණු පොතේ මෙවැනි නිරුපන ගෝලීයකරණයට අනුව සාමාන්‍ය වේ. එහෙත් .... ලංකා සමාජය තුල කතා බහට ලක්වූ ... පෙරළිකාර නිරුපනයන්ය. 
ඇය මේවා කැමැත්තෙන්ම කරන්නේ ඇයිදැයි .... නොතේරෙන්නේ .... මේ හැසිරීම් තුල වූ යම් රැඩිකල්භාවයක් සහිත යමක් දැනෙන නිසාවෙනි. මේ සටහන ඇය පිළිබද විවේචනයක් නොව . කාන්තාව තේරුම් ගැනීමට දරන උත්සාහයක් පමණක්ම වේ. 
මෙවැනි හැසිරීම් කාන්තාව  තුල ස්වභාවයෙන්ම නැතයිද  සිතිය නොහැක.  සමහර කාන්තාවන් අප්‍රසිද්ධියේ  පමණක් රගන මෙවැනි භූමිකාවන් මේ සමාජය තුලම  ඇත. 



බටහිර සමාජයේ ප්‍රසිද්ධ කාන්තා චරිත සිය නිරුවත  පෙන්වීමට කැමතිය. විවිධ හැඩතල ඔස්සේ සිය ශරීර අවයව මාධ්‍යට නිකුත් කර ඇත. විවිධ කෝණ රූ ගත කර ඇත. එහි වරදක් ඇති බවක් කවුරුන්වත් මෙතෙක් කියා නොමැත. 
මෙවැනි ස්වභාවික හැසිරීම්.... අන් අයට පෙන්වීමට කැමැත්තක් සියලු කාන්තාවන් තුල ඇතැයි මා අනුමාන කරන්නෙමි. එහෙත් විලි බිය නමැති සංකල්පය ලංකා සමාජයේ මුල් බැස ගෙන ඇති හෙයින් .... ප්‍රසිද්ධියේ කවුරුත් මේවා නොකරති. 
ඇය හරිද ......... අපි වැරදි'දැයි නොදනිමි. 
වරෙක සිය පන්හිද අතට ගත ඇය ..... විවෘත ලෝකයට ඇගේ තතු ලියන්නට වුවාය. උඩු යටිකුරු ප්‍රකාශ කුරුටු ගෑවාය. පොත මාර්කට් විය .... ඇයද ඒ සමග මාකර්ට් වූ බව .... සමහරු කියන්නට වුනි. 
ප්‍රසිද්ධියේ නිරුවත් වීම, ප්‍රදර්ශනකාමය  යයි සමහරු හදුන්වති ... මෙය යම් විදියක  සුළු මානසික රෝගයක් යයි , තවත් සමහරු පවසති ... එහෙත් .... එය ... සාමාන්‍ය තත්වයට ලග  යයි මට සිතේ ..... 
ඇය නිරුපනයේ යෙදේ .... එහෙත් ඇය නිරුපිකවක්ද ..... නොවුවාය .... එසේ නම් ඇය කවුද ...? 
මවක් ලෙස යුතුකම්ද ඉටු කරයි .... දු,වරුම දෙදෙනෙක් සිටින බව මගේ මතකයේ ඇත . ඇයගේ නිරුපන මුල් කාලයේ අන්දෝලත්මක වන විට ඇය ගුරුවරු ලවා , දරුවන් ආවරණය කලාය. 
මේ ඇගේ මා  දුටු මනෝභාවයන්ය ....... ඇය නොව ඇගේ මනෝභාවයන් පමණක් මෙලෙස සටහන් කරනුයේ පුද්ගල චර්යාවන් විනිවිද දකින්නටය ......

21 comments:

  1. ගොට්ට පනෙක් කතාකරයි

    ReplyDelete
    Replies
    1. අදහස තේරෙන්නේ නෑ ඇනෝ ....

      Delete
    2. වෙට්ට පාසි වෙට්ට පාසි

      Delete
  2. හීන මනය දරුනු වූ අයෙක්

    ReplyDelete
  3. හීන මනය දරුනු වූ අයෙක්

    ReplyDelete
  4. මටත් හිතෙන්නේ මැය මානසික රෝගයකින් පීඩා විඳිනවා කියලයි.

    ReplyDelete
    Replies
    1. උදය ... සමහර විට අතීත සිදුවීම් මත , ඔවැනි තත්වයක් උදාවිය හැකි බවත් හිතන්න පුළුවන් ...

      Delete
  5. ඇය යම්කිසි ලිංගික සූරාකෑමකට, පවුල් සංස්ථාවේ නොසලකා හැරීමකට, ලක්වන්නට ඇති. නමුත් ඇය කලයුත්තේ මෙය නොවේ. සභ්‍යත්ව මතවාදීව ඇගේ සතුරන් පරාජය කිරීමයි.

    ReplyDelete
    Replies
    1. ඔබේ පිළිතුරට මං එකගයි .... විචාරකතුමා .... මිට වඩා සමාජ වගකීමක් කාන්තාවකට තියනවා .සමාජ ඉගෙනුම කියන්නේ ඒක ...

      Delete
  6. ය හරිද වැරදිද යන්න කාලයා විසින් තීරණය කරනු ඇත.

    ReplyDelete
    Replies
    1. කාලය තමයි ඇය මේ දුර ගෙන ආවේ ... ඉවාන් ... කාලය තව බොහෝ දේ කරාවී ...

      Delete
  7. පළමු විවාහයෙන් දුවල දෙන්නෙක් උන්නා. ඒත් පොඩිකාලෙදිම තාත්ත ගාව දාල වෙන එකෙනෙක් එක්ක ගිහිං පුතෙක් හැදුවා...ඒක ඇගේ අයිතිය. ඒත් සැබෑව ලියවිය යුතු නිසයි සඳහන් කළේ..

    ReplyDelete
    Replies
    1. පුතකු ගැන මා දන හිටියේ නා මිතුර ... මා නොදත් බොහෝ දේ තව ඇති ....

      Delete
  8. "පුනරුක්ති" කියවූ දා ඇය සාධාරණයැයි මට සිතුණි.
    ඒ සිතුවිල්ල කොතෙක් සාධාරණදැයි දැන් සිතමි...

    ReplyDelete
    Replies
    1. මිතුර ... මා තවම පුනරුක්ති කියවා නැත. ඇය ගැන දන්නා විදියෙන් හා දකින දේ තුලින් යම් අදහසක් ගොඩ නැගුවා පමණයි...

      Delete
  9. හපොයි..කවුරුන් හෝ විසින් මග පෙන්විය යුතු චරිතයක් සේ හැඟේ

    ReplyDelete
    Replies
    1. මග පෙන්වීමක් නම් අවශ්‍යයි ... අපට උනත් .... වරදින තැන් වලදී....

      Delete
  10. අනේ මන්ද.. මට නං මොනවත් කියන්න තේරෙන්නෙ නෑ.. නූතන ස්ත්‍රී වාදය ක්‍රියාවේ යොදවන්න ගිහිං චාටර් වෙනවද මේ? මන්ද..

    ReplyDelete
  11. කලාව යන්නට නිර්වචන කොතෙක් තිබේදැයි වැටහෙන්නේ වෙනස්ම ආකාරයෙන් ( යම් දෙයක් වෙත) ආකර්ශනයක් හෝ ජ්‍රගුස්සාවක් ඇතිවන විටය

    ReplyDelete
  12. මේ ලමයා මොකුත් ලියන්නේ නැද්ද

    ReplyDelete