නිරුවත් කන්තෝරුව

          සේවකයන්ගෙන් වැඩි කාර්යක්ෂම සේවාවක් ලබා ගැනීමේ අරමුණෙන් කරන ලද අපුරු පර්යේෂණයක ප්‍රථිපල මේ වන විට  Bold Italic ලබා ඇත. ඇමෙරිකාවේ සිලිකොන් වැලි'හි Bold Italic ආයතනයේ සේවයකයන් නිරුවතින් , යොදා ගෙන මසක පමණ කාලයක් මේ අත්හදා බැලීම කර ඇත. මසක් අවසානයේදී සේවකයන්ගේ චිත්ත ශක්තිය පුදුමාකාර අන්දමින් ඉහල ගිය බවත්, සමාගමේ පලදායිතාවද සිඝ්‍රයෙන් ඉහල ගිය බවත් මේ අනුව වාර්තා වේ. 

සිලිකන් වැලි හි බොහෝ කාර්යාල වල සේවකයින් සෑම දිනකම කාර්යාලයට ඒම වෙනුවට නිවසේ සිට කිරීමට, තමාට  පවරන ලද වැඩ කොටස් ඉතාම නිර්මාණශීලිව හා ඉතාම වේගයෙන් සිදු කරන  බව සාමාන්‍ය මතයක්ව පැවතුනි  . 

bold italic සමාගම විසින් මෙලෙස නිවසේ සිට කරන ලද වැඩ වල කාර්යක්ෂමතාව කෙසේ සිදු වූවා දැයි , සොයා බලාන ලදී. එහිදී සාක්ෂාත් වූ කරුණ නම්, සැම දෙනාම නිවසේ සිටියදී ලිහිල් ඇදුමින් සැරසී කාර්යාල කටයුතු කිරීම, හේතු වූ බැව් සොයා  ගන්න ලදී.   ඒ අනුව එම සමාගම සාකච්චා වට කීපයකින් පසුව , කාර්යාලිය වැඩ කිරීමේ වේගය රදා පැවතියේ ඇදුම් මතද යන්න සොයා බැලීමට මසක පමණ කාලයක් තුල මේ අත්හදා බැලීම කරන ලදී.  

ඉන් අනතුරුව එහි සේවකයින්ට ලැබුන උපදෙස් මත, සැවොම නිරුවතින් කාර්යාලයට පැමිණ , චකිතියෙන් හා කුහුලෙන් සිය වැඩ කටයුතු ආරම්භ කිරීම කොට ඇත. සේවකයින් නිරුවත් වීම පැකිලීමෙන් සිදු කරද , කාර්යාලීය චයරුප ශිල්පියා නිරුවත් වීම ප්‍රතික්ෂේප කර ඇත. 

එහෙත් සේවකයින් පැය කීපයක් යන තෙක් බලවත් නොසන්සුන් භාවයෙන් කටයුතු කොට පසුව යථා තත්වයට පැමිණ ඇත. දින දෙක , තුන පසුවන විට සියල්ල යථා පරිදි ඔවුන්ට දැනෙන්න පටන් ගත් බව පවසා ඇත. පසුව , ඔවුන් සිත් පුරා සතුටින් හා ගැඹුරු හැගීමකින් කටයුතු කල බවත් පවසා ඇත. 

මෙයට හේතුව ලෙස , ශාරීරික ලිහිල්භාවය හේතු කොට ගෙන ඔවුනගේ ලිංගික අවයවයන් සිරවී නොතියබිදී , පලදායිතාව වේගයෙන් ඉහල යෑම   දැනෙන බව පවසා ඇත. 

නිරුවතින් වැඩ කිරීමේදී ලාභ වැඩි වූ අතර කාර්යාලීය උණුසුම මදක් වැඩි කර ගැනීමට තරමක වියදමක් දැරූ බවද වාර්තා වේ. මෙම අත්හදා බැලීමට හේතු වූ නිරුවත  පිළිබද මුල්ම මතය නිකුත් කරන ලද්දේ තම සමාගම විසින් නොව , ව්‍යාපාරික මනෝ විද්වතෙකු වන ඩේවිඩ් ටේලර් විසින් බව ඔවුන් වැඩි දුරටත් පවසා ඇත.  

    

සටහන අවසානයේ මා හට වැටහී ගිය කරුණ නම්, දඩයම් යුගයේ නිරුවත ප්‍රශ්නයක් නොවූ අපේ ආදිවාසීන් මොන තරම් නිර්මාණ බිහි කලාද හා  කෙතරම් කාර්යක්ෂම වුවාද  යන්නයි.  

හුදෙකලාව සහ සිප වැළද ගැනීම

     

       
        කාර්යබහුල ජිවිත ගත කරන අපගේ ජිවිත තුල දැනෙන සංවේදනාවන් අඩු බව සමහර ගැටළු දෙස බැලීමේදී පෙනී යන කරුණකි. මනුෂ්‍ය ජිවිතයට අත්විදීමට අවශ්‍ය ස්පර්ශයන් නොලැබීමෙන් මේ තත්වය උද්ගත වන බව පෙනේ. 

     අන්තර් පුද්ගල සම්බන්ධතා ගිලිහි යාම මෙයට හේතුවී ඇති බව මේ අනුව අවබෝධ වේ. මනුෂ්‍ය ස්පර්ශය ප්‍රතිකාරාත්මක ලෙස සුවය සදහා හේතුවන බව අප නොදන්නවාට ..... දැන්වත් වටහා ගත යුතුය. 

    හුදකලාව ජිවත් වන සමහර පුද්ගලයන් විකල්ප ක්‍රමවේදයක් ලෙස සුරතල් සතුන් ඇති කරන්නෙත් , මේ හේතුව නිසා බව අපට වටහා ගත හැක. 

      මානසික පීඩනය අවම කරමින්, මෙවැනි සංවෙදනමය ක්‍රියා තුලින් යහපත් දිවි පැවැත්මක් සලසා ගත හැකි බව මේ අනුව පෙනේ . 

   මෙම ක්‍රියාදාමය සාක්ෂාත් කර ගැනීම උදෙසා, විවිධ අත්හදාබැලීම් හා පර්යේෂණ සිදු කර ඇත. සිප වැළද ගැනීම් හා සුරතල් කිරීම්, බොහෝ සෞඛ්‍ය ප්‍රථිපල අත්කර දෙන බව මෙම පර්යේෂණ වලට අනුව ඔප්පු වේ . 

     දරු ගැබ් දැරීම, සමාජ සම්බන්ධතා, දරු ප්‍රසුතිය හා ලිංගික සේවනය සදහා මාංශ පේශීන් ශක්තිමත් කිරීම හා අලුත්වැඩියාවට අවශ්‍ය [oxytocine] හෝමෝනය නිපද වෙන්නේ මේ සංවේදනාවන් ඔස්සේය. 

    එමෝරි විශ්වවිද්‍යාලයේ විද්වතුන් විසින් 1999 දී, මේ අනුව මෘදු ලෙස ශරීර ස්පර්ශනය මගින්  ආතතිය හා මානසික අවපීඩනය වැනි තත්වයන් අඩු කර ගැනීමට හැකියාව ඇති බව සොයා ගන්නා ලදී. 

       මේ තත්වයන් ආදර්ශයට ගනිමින් ජැකී සැමුවෙල් නම් තැනැත්තියක විසින්  2012 දී නිව්යෝක් , රෝචෙස්ටර් හිදී ,[ the snugrey ] නමින් ස්පර්ශය ලබාදීමේ ව්‍යාපාරයක් ආරම්භ කරන ලදී. දිනකට පුද්ගලයන් 30 කට සේවය සලසමින් , දිනක අදායම වශයෙන්, පවුම් 30 ක් ඉපද්දීමට ඇය සමත් විය. 

      ඇමරිකාවේ ඉන්දියානා ප්‍රාන්තයේ කාමෙල්හි වාසය කරන ලීසා කෙලි ද, මෙවැනිම ව්‍යාපාරයක් ආරම්භ කරන ලදී. ඇයගේ සේවය වුයේ, හුදෙකලාවෙන්, තනිකමින් පෙළුණු අය සිප වැළදගෙන සුරතල් කොට ඔවුන්ගේ සිතේ සහනය හා සතුට වැනි සුවදායක හැගීම් ඇති කිරීමයි.                  
             විනාඩි 30 ක කාලයක් සදහා කරන මෙම ක්‍රියාවලිය සදහා ඇය පවුම් 35ක් අය කරනු ලබයි. දරුවන් දෙදෙනෙකුගේ මවක් වන ලීසා , ගනුදෙනුකරුවන්ගේ නිවෙස් වලට ගොස්, විවිධ ඉරියව් වලින් ස්පර්ශ කොට තම සේවය සලසයි. 

       විවේචකයන්ගේ මතය වන්නේ ලීසා කරන මෙම ක්‍රියාව ගණිකා වෘත්තීය ආසන්නයේම , ඊට පියවරක් පසුපසින් ඇති එකක් බවයි. මේ හේතුවෙන් ඇයගේ පවුල අපහසුතාවයන්ට ලක් වන බව ඔවුන් පෙන්වා දේ. 

      ලීසා කියන්නේ, තමාගේ ප්‍රතිකාර ක්‍රමය කිසිසේත්, ලිංගික සේවයක් නොවන බවයි. මෙම සේවාවට ඇයගේ කොන්දෙසිද ඇත. ගනුදෙනුවේ දෙපාර්ශයම පිරිසිදුකම හා ප්‍රමාණවත් සෞඛ්‍ය මට්ටම රැක ගත යුතුය. 

   ආරක්‍ෂිත පියවරක් වශයෙන්, සිප වැළද සුරතල් කිරීමේ ක්‍රියාවලිය ආරම්භ කිරීමට පෙර ලීසා වෙනුවෙන් තෙවෙනි පාර්ශවයක් ගනුදෙනුකරුවා හමුවේ. ඇයට මාරාන්තික නොවන ආයුධයක් ඇය සන්තකයේ තබා ගෙන ගනුදෙනුකරු හමුවීමට හැකියාව ඇත. 

       සියළු කාරනා සැලකිල්ලට ගැනීමේදී, පුද්ගල අන්තර් සබදතා නිසි අයුරින් පවත්වන පුද්ගලයන් හට මෙවැනි සේවාවන් අවශ්‍ය නොවන බව මගේ හැගීමයි. 

චීනයේ ඉතිරි වූ ගැහැණු.....

           චීනයේ සංඝණන වාර්තා වලට අනුව වාර්තා වන්නේ අවුරුදු 25 ත් 29 ත් අතර සිටින කාන්තාවන් පස් දෙනෙකුගෙන් එක් අයකු අවිවාහකව සිටින බවයි. 

           මේ වයසේ පසුවන පිරිමින් සැම විටම උත්සහ දරන්නේ , වයසින් අඩු හා තමන්ට වඩා උගත්කමින් අඩු කතුන් හා විවාහ වීමටය. චීනයේ පවතින මේ විවාහය පිළිබද අසමමිතික තත්වය හා කාන්තාවන්ගේ අවිවාහකව සිටීමේ ගැටළුව නිසා, රජය විසින් විශේෂ පියවර ගැනීමට සිදුව ඇත.

          මෙම උගත් කාන්තාවන්ට සහකරුවන් මුණ ගැස්වීමට , විශේෂ අවස්ථා සංවිධානය කර ඇත.බොහෝ විට පිරිමි සහකරුවන් කලහකාරී කිරීමත්, කලබල කිරීමත් මගින් ඔවුන් ඉක්මනින් විවාහ දිවියට ඇතුල් කිරීමට රජය උත්සහ දරා ඇත.

           මෙම ඉතිරි වූ ගැහැණු ප්‍රිය මනාප, හොද රැකියා වල නියුක්ත හා උපාධිධාරී  උවද ගැලපෙන සහකරුවන් මුණ නොගැසිමෙන්, ඔවුන්ට තනිව සිටීමට සිදුව තිබෙනවා. 

           මේ හේතුවෙන් පළමුව පවුල තුල කොන්විමද , මාද්‍ය මගින් මේ ගැන දිගින් දිගටම විවේචන එල්ල වීමෙන්ද මේ කාන්තාවන් දැඩි පීඩනයකට ලක්ව ඇත. 

           අවිවාහක වයස්ගත කාන්තාවන් පවුල තුල සිටීමෙන් , පවුලේ පිරිමි , මෙය ලැජ්ජාවට කාරණාවක් සේ සිතා, නෑදෑයන් එකතු වන ස්ථාන වලට තම අවිවාහක සොයුරියන් රැගෙන යාමට මැලි කමක් දක්වයි.

             මේ අනුව බලන කල ලංකාවේ තත්වයද මෙබදු යයි මට සිතේ, නමුත් විවාහ කල්පමාව ගැටළුව සදහා නම්, රජය පියවර ගෙන නොමැත. මේ තත්වයට  කාන්තාවන් ලක් වීමෙන්, සමාජ අපචාර නම් වැඩිව ඇතැයි, මෙරට සංඛ්‍යා ලේඛන වලට අනුව වටහාගත හැක. 
      ලංකාවේද චීන රජය මෙන් මේ උපක්‍රමය යෙදුවොත්..... සාර්ථක වෙයිද මන්දා..... දන්නා අය කියන්නකෝ..... විවාහ කල්පමාව , පිරිමි සහකරුවන් කලහකාරී කිරීමෙන් විසදා ගත හැකිද කියා......

රූපලාවන්‍ය සදහා වියදම් කල ඇමතිනිය

            රූපලාවන්‍ය කටයුතු සදහා දේශපාලන මුදල් වැය කල ජපාන වෙළද හා කර්මාන්ත ඇමතිනිය වන යුකෝ ඔබෝචි හට අගමැති දෝෂාරෝපණය කිරීම හේතුවෙන් ඉල්ලා අස්වීමට සිදු  විය. පක්ෂයේ දේශපාලන අරමුදල් අත්තනෝමතිකව භාවිතා කිරීම ඇයට එල්ල වූ චෝදනාවය. 

        මෙම සිදුවීම නිසා වත්මන් අගමැති, ෂින් ෂෝ අබේ  වෙත දැඩි බලපෑමක් මාද්‍ය වෙතින් සිදු විය. පක්ෂයේ අරමුදල් දේශපාලන නොවන අරමුණු සදහා වියදම් කල නොහැක. 

           පසු ගියදා , එරට මාද්‍ය වාර්තා කරන ආකාරයට ඇය සහ ඇගේ කාර්ය මණ්ඩලය ඇමරිකානු ඩොලර් දහස් ගනනක් වැය කර රූපලාවන්‍ය උපකරණ මිලදී ගෙන ඇත. එසේම, ටෝකියෝ  නුවර සංචාරය කිරීම සදහා ඩොලර් දස දහස් ගානක් වියදම් කර ඇත. මෙය මාද්‍ය මගින් අනාවරණය වීමත් සමග ඇය ඉල්ලා අස්වෙන බව මාද්‍ය වෙත ප්‍රකාශ කර ඇත.     

        ජපානයේ දේශපාලන සභාගිත්වය සදහා වැඩි කාන්තා නියෝජනයක් ලබා දීම අගමැති විසින්  අරමුණු කරගැනීමේ ක්‍රියාදාමය මේ හේතුවෙන් පසුගාමී තත්වයට වැටෙන බව මාද්‍ය ප්‍රකාශ කරයි. 

          අගමැතිවරයා පසුගිය මාසයේ, සංශෝධනයට ලක් කරන ලද ජපාන කැබිනට් මණ්ඩලයට අළුතින් පත් කරන ලද කාන්තා නියෝජිතයින් පස්දෙනා අතර ඇයද සිටියාය. එසේම අනාගත අගමැතිවරියක වීමේ හැකියාවද ඇය වෙත වූ බව මාද්‍ය ප්‍රකාශ කරයි. 

        අගමැතිගේ ඉලක්ක සපුරා දීම තමන්ට නොහැකි වූ බැවින් ඉල්ලා අස්වෙන බව, සිය නිල ප්‍රකාශයේදී ඇය දන්වා සිටියාය. 

        එසේම .... ජපාන ආර්ථික සුරක්ෂිතතාව සහ කාන්තාවන් සදහා හොද තැනක් ලබා දීමද , අගමැතිවරයාගේ මුලික අදහස වී තිබුන බව ඉල්ලා අස්වූ යුකෝ ඔබෝචි තව දුරටත්  පවසා සිටියාය. 

ජපානය යනු වේගයෙන් දියුණු වූ රටකි. එරට ආර්ථික ප්‍රතිපත්ති දැඩි බවින් යුක්ත වීම හේතුවෙන්, හොද ආර්ථික ස්ථාවරයක් ගොඩ නගා ගෙන ඇත. අනවශ්‍ය වියදම් ජපන් වැසියන් කවදත් නුරුස්සති. මුදල් මිස සෝබන ක්‍රියාකාරකම් වලට ඉඩක් නැත. 

          හිටපු ඇමතිනියගේ  මෙම රුපලාවන්‍ය භාණ්ඩ මිලදී ගැනීම, කිසිවකු අනුමත නොකළ අතර ප්‍රශ්න  කිරීමට ලක්වීමේදී..... ඇය, නිහතමානිව , රටක ප්‍රබල අරමුණු වලට ඉඩදී ඉන් ඉවත් විය. 

      

      එහෙත්...... මේ ආදර්ශය අප රටේද පැවතියේ නම් , මෙලහකට ලංකාව සිංගප්පුරුවක් වත් වී ....... අවසානය.  

ආචාර්ය උපාධිය හා ජනපති බිරිද

        

   
        සිම්බාව්වේ පළමු කත වන ග්‍රේස් මුගාබේ, ලබා ගත් ආචාර්ය උපාධිය ආපසු ලබාදෙන ලෙස ලෝක ප්‍රකට ලේඛක වෙන්ජරායි හෝව් දැනුම් දී සිටි. පසුගිය මාසයේ සිම්බව්වේ සරසවියෙන් මුගාබේ මහත්මියට මෙම ආචාර්ය උපාධිය පිරිනමා ඇත. 

            ඇය .... සිම්බාව්වේ සරසවියේ ලියාපදිංචි වීම ගැනද, විවධ මත පලවී ඇත. ආරංචි අන්දමට මුගාබේ මහත්මිය විශ්ව විද්‍යාලයේ ලියාපදිංචි වී, මාස දෙකක්වත් නැති බව, වාර්තා වේ . 

           මේ ගැන පුළුල් පරික්ෂණයක් කරන ලෙස සිසුහු ඉල්ලා සිටිති. මෙයට විරෝධතා දැක්වූ, වෙන්ජරායි හෝව්, ප්‍රකට නවකතාකරුවකු , කවියකු හා සිම්බාව්වේ සරසවියේ උපාධිධාරියකු මෙන්ම ආචාර්ය මණ්ඩලයේ සාමාජිකයෙක්ද වේ. මේ වන විට ඔහු නොර්වේ හි වාසය කරයි. 

           සිම්බාව්වේ තත්වය මෙසේ වුවද ලංකාවේ තත්වය නම්..... මෙයට හාත්පසින්ම වෙනස්ය. ලංකාවේ ආචාර්ය උපාධි කඩ ඇත. මුදල් ඇත්තන් හටද , උපාධි ලේසියෙන් ලබා ගත හැක. මෙහේ බැරි නම් විදේශයකින් හරි උපාධියක් සපයා ගත හැක. ඇත්තටම මේ විදියට ලබා ගන්න උපාධි.....  මොකටද....? ආත්ම තෘප්තියක් හා සේවයක් මේ තුල ඇත්ද....? 

         සිම්බාව්වේ මේ නාමික උපාධියට විරෝධතා දැක්වුවද , ලංකාවේ නම් , ලොකු බලපෑමක් කල නොහැක. ගත්ත උපාධි අවලංගු කලා යයි අරන්චියක්ද නැත. 

මට නොතේරෙන එකම දෙය මෙයයි....... අපට උපාධි මොකටද......?

ආදරයට ලද තිළිණය

        
    පැරා ඔලිම්පික් ධාවන ක්‍රීඩක ඔස්කා පිස්ටෝරියස් , මෙයට වසර දෙකකට උඩදී, අත්වැරදීමකින් තම පෙම්වතියට , පෙම්වතුන්ගේ දිනයේදී වෙඩි තබා මරා දමා ඇත. සිද්දිය සිදුවුයේ දකුණු අප්‍රිකාවේ සිල්වටු ප්‍රාන්තයේ , වික්ටෝරියා නගරයේ තම අධි සුඛෝපභෝගී නිවසේදීයි.

            තම පෙම්වතා පුදුම කිරීමට , ඇය පෙම්වතුන්ගේ දිනයේ උදේ පාන්දරම , අනවසරයෙන් ඔස්කාගේ නිවසට ඇතුළු වී ඇත. හදිසියේ කලබල වූ ඔස්කා , වහා  ක්‍රියාත්මක වී , පිට පිට වෙඩි ප්‍රහාර හතරක් තැබීමෙන්, ඇය එතනම මිය යන ලදී. පසුව , එසේ පැමිණ ඇත්තේ ,තම පෙම්වතිය බව හදුනා ගැනීමෙන් පසු ඔහු දැඩි ලෙස කම්පාවට පත්විය.

            අප තවකෙකු පුදුම කරන්නට කරන ලද යම් යම් ක්‍රියාකාරකම් වල අවදානමක් පවතින බව සිතිය යුතුය. එවැනි යමක් කරන්නට පෙර පවතින තත්වය සැලකිල්ලට ගත යුතුය. සිදුවන අත්වැරදීම් කවදාවත් නිවැරදි කල නොහැක. පුදුමයන් පසුපස සැමවිටම අවදානමක් ඇත.

       ඉහත සිද්දිය දෙස බැලීමේදී තේරුම් යන්නේ , හැගීම්බර වූ අවස්ථාවන් , අප බොහෝ විට දුකට පත් කරන්නට හේතුවක් වන බවය. ආදරය සමරන්න හා වැඩි ආදරයක් ලබන්න කැමති වූ ඇයට, වන්දි ගෙවන්න සිදුවුයේ ජීවිතය පිදිමෙනි.

      නොසිතු ලෙස තම පෙම්වතිය , තමන් අතින් මරා දමන්න තරම් ඔහුගේ ඉරණම සකස් වුයේ , ආදරය නොහදුනන අයකු නිසා නොව, අදෘශ්‍යමානව , සියල්ල විනාශ කිරීමට ඔහු පෙළඹු හේතුවක් උදා වූ  නිසාවෙනි . සියතින්  සිය ආදරය විනාශ කර දැමීමට  ඔහුට සිදු විය. .... ඔහු බොහෝ සෙයින් වැලපින. ඒත් සිදු වූ සියල්ල සිදු වී අවසානය. ඇය මිය ගොසින්ය.

        වසර දෙකකට අසන්න කාලයක් දකුණු අප්‍රිකානු උසාවියක. මේ මිනීමැරුම් නඩුව විභාග විය. සාක්කි සියල්ල ගැඹුරින් සලකා බැලින. අවසන , තීන්දු වුයේ මෙය සාවද්‍ය නොවන මනුෂ්‍ය ඝාතනයක් බවයි. ඇසින් දුටු සාක්ෂි කිසිත් නැත , ඝාතන සැලැස්මක් තිබු බවට කරුණු අනාවරණය වුයේද නැත. 

      එහෙත් දකුණු අප්‍රිකානු මාද්‍ය මගින් මෙම නඩුව සදහා දැඩි බලපෑම් එල්ල කල  බව විනිසුරුවරයා පවසන ලදී . ඔස්කා ප්‍රසිද්ධ පුද්ගලයකු බැවින්, මේ නඩුව වඩාත් තිවර හා ප්‍රසිද්ධ එකක් බවට පත්විය. ඔහුට දඩුවම් දෙන්නයි මාද්‍ය පුන පුනා පැවසුවද..... නිතිය සියල්ල විසදුවේය. 

     එහෙත් ඔහු සදාකල්හිම එම අත්වැරැද්ද සදහා වේදනා විදි , හදවත ඇයට අත් වූ ඉරණම සාධාරණිය කරන්නේ නැත. ඔහු පාද අහිමි වූ අබාධියෙකි. සිය ජීවිතය විර්යෙන් ජය ගත්තද , ස්වභාව ධර්මය ඔහුට නැවතත් අකාරුණික විය. හෙට දින ඔහුගේ ඉරණම කෙබදු වේද යන්නත්.... මේ ප්‍රබල වූ මාද්‍ය හරහා දැන ගැනීමට , අප පෙළ ගැසී සිටින්නෙමු ......

පසු සටහන

            මෙය ඔස්කා පිස්ටෝරියස්ගේ නඩු තීන්දුවට පෙර දින ගොනු කරනු ලැබූ සටහනක් බව සලකන්න. ඒ වන විට සම්පුර්ණ නඩු තීන්දුව ප්‍රකාශයට පත් කර නැත. විනිසුරුවරයාගේ පැහැදිලි කිරීම් වලට අනුව, හා මාගේ මතයට අනුව ලියන ලදී.
           අද වන විට සම්පුර්ණ නඩු තීන්දුව ප්‍රකාශයට පත් කර ඇත. එහිදී ඔහු වරදකරු වූ චෝදනා වලට පමණක් දඩුවම් නියම කර ඇත. තව දුරටත් ඔහු නිවැරදිභාවය ලබා ගැනීම සදහා ඇපැලක්  යොමු කර ඇත. 

සිරිකට් රැජිනගේ රෙදිපිළි කෞතුකාගාරය

           මෙම කෞතුකාගාරය තායිලන්තයේ සිරිකට් රැජිනගේ 'උපකාර ' නම් පදනමට කරන ලද පරිත්‍යාගයකි . 1976 දී , රැජින විසින් අරම්භ කරන ලද්දේ , තායි අත්කම් නිර්මාණ සදහා අත දීමක් ලෙසිනි . කෞතුකාගාරය තැනීමෙන් පාරම්පරික ඇදුම් ආයිත්තම් කලාව අනාගත පරපුරට දැක ගැනීම සදහා සංරක්ෂණය වීමද සිදුවේ . මෙහි ප්‍රධානම පරමාර්ථය අග්නිදිග, පෙරදිග,හා දකුණු ආසියා කලාප වල දුර්ලභ පැරණි රෙදිපිළි වර්ග ප්‍රදර්ශනය හා සංරක්ෂණයයි . ඇදුම් නිර්මාණ කලාව සදහා යමක් ඉගෙන ගන්න වේ නම් එයද මෙ'මගින් ඉගෙනගත හැක . 

          'උපකාර' පදනම විසින් නිර්මාණ අලෙවිකරණයද මෙහිදී සිදු කරයි . ඒවා නුතන හා පුරාතන වර්ගයේ ඒවා වේ . මෙයට අමතරව , නිවාස සැරසිලි සදහා උචිත භාණ්ඩ කපු සහ සිල්ක් මෝස්‌තර උපාංග ,ස්වර්ණාභරණ ,පොත්පත් , මල් වලින් කරන ලද අත්කම් ද මෙහි වේ .

         සේද වලින් කල නිර්මාණ , රාජකීය මෝස්‌තර රැජිනගේ අතින්ම නිම කරන ලද දොළහකට අධික වූ ආයිත්තම් ද වේ . තායි පේෂ කර්මාන්තය ආරක්ෂා කිරීමද රැජිනගේ අරමුණ වේ. 'උපකාර' පදනම පිහිටීමෙන් දේශීය පේෂ කර්මාන්තය නගා සිටුවීම තායි කාන්තාවන්ට දැනුම හා හුරුව ලබාදී අමතර අදායම් මාර්ගයක් සාදා දීම රැජින විසින් ආරම්භ කර ඇත . තායිලන්තයේ ජාතික උරුමයන් හා සංස්කෘතිය රැකිම හා එය ඉවහල් කරගත් ජිවන රටාවක් ලබාදීම සදහා රැජින විසින් ගත් මේ උත්සාහය ප්‍රසංසනීයයි . ලෝකයේ සංචාරකයින් තායිලන්තයට පැමිණෙන්නේ නම් අනිවාර්යෙන්ම සිරිකට් රැජිනගේ රෙදිපිළි කෞතුකාගාරය නරඹනු ලබති .

කිඹුල් කෙල්ල

        ඇමෙරිකාවේ ෆ්ලොරීඩාවේ උපන් ඇෂ්ලි ලෝරන්ස් නිර්භීත කෙල්ලක් බව බය නැතුව කිඹුල්ලු අල්ලපු නිසා අද වන විට ලෝක ප්‍රසිද්ධ වෙලා . ඇය ෆ්ලොරිඩවේම අද්‍යාපනය ලත් අතර , කුඩා කල සිටම සතුන් හා සෙල්ලම් කිරීමට ඇල්මක් දැක්විය . ඇෂ්ලි මේ වන විට හැකියාව වගේම සිය රැකියාවද කිඹුල්ලු ඇල්ලීම කරගති . දැනට ඇය වසර පහක සිට ෆ්ලොරීඩාවේ  ජාතික උද්‍යානයේ කිඹුල්ලු ඇල්ලීම සිදු කරනු ලබයි . පිරිමින් හා එම රැකියාව කරන එකම කාන්තාවද ඇයයි . මේ වන විට ඇයට අවුරුදු 25 ක් විතර ඇති .

       ඇය මෙම  කටයුත්තේදී කිම්බුල්ලුන්ගේ කට ගැන සැලකිලිමත් වේ . දැනට ෆ්ලොරීඩාවේ තැන් තැන් වල අස්ථාන ගත වෙලා ඉන්න කිඹුල්ලු අල්ලලා වතුරට මුදා හැරීම කරයි ප්‍රදේශවාසීන් කියන්නේ මේ රස්සාව මෙයාගේ ඇගේම තියන එකක් බවයි ඇෂ්ලි පවසන්නේ සත්තුන්ගේ භාෂාව තමන්ට තේරෙන බවයි .ඒ හන්ද අනතුරක් නොවන බව ඇය පවසයි .

       ඇෂ්ලි මේ රස්සාවට ගොඩක් කැමතියි . සතාව මෙල්ල කර ගත්තම සතා එක්ක ගොඩක් දගලන්න ඕන නැතිලු . සත්තුන්ගේ හැසිරීම් රටාව ඇයට මේ වන විට හොදටම පුරුදුයි . වෙන රැකියාවක් ගැන නම් හිතන්නෙත් නැතිලු . ෆ්ලොරීඩාවේ කිඹුල්ලු මිලියන ගානක් වැවු ගංගා වල ජිවත් වන අතර , සත්තු ගොඩට ඒම නිසා මිනිසුන්ගේ මෙන්ම සතුන්ගේ ජිවිත වලටද තර්ජනයක් වෙන නිසා , ඇෂ්ලි මේ කටයුත්තට වඩාම කැමති වෙලා .

     මෙවන් නිර්භීත කෙල්ලන් හා සත්තුන්ට ආදරය දක්වන පරිසරහිතකාමියන් සිටීම ලෝකෙට යහපතක්ය .ඇය සතු සුවිශේෂී හැකියාවට හා ඒ සදහා ඇති ඇල්ම අගය කල යුත්තකි ..

දෑත අහිමි ජෙසිකා

        දෑත නැතුව ජීවිතය ජයගත් තරුණියක් අපට හමුවිය . සිය දයිවයට දොස් තබනවා වෙනුවට තමන්ට කල හැකිදේ මොනවද හදුනාගෙන ඇය ජිවිත යාත්‍රාව තනියම පදවන්නේ දෑත තිබෙන සියලු දෙනාටම ආදර්ශයක් වෙමිනි , ලංකාවේ කෙනෙකු වුණා නම් මේ වනවිට එක්කෝ පාරේ හිගමන් යදියි , නැත්නම් නිවාසෙක අනුන් මත යැපේ . මේ ජෙසිකා කොක්ස්ගේ කතාවයි . ඇය ජිවත් වන්නේ ඇමෙරිකාවේ ඇරිසෝනා ප්‍රදේශයේයි .

ඇය මේ වනවිට ගිනස් වාර්තා කීපයකටම හිමිකම් කියන්නීය . දෑත අහිමි ලොව පළමු ගුවන් නියමුවරිය ඇයයි , ටයිකොන්ඩෝ කළුපටි ශුරිය , දිය යට කිමිදෙන්නිය ඇයයි . මේ වනවිට ඇය මනෝවිද්‍යා උපාධිධාරිනියකි ,  වර්තමානයේ පෞරුෂ  සංවර්ධන වැඩමුළු වල ප්‍රධාන දේශිකාව ලෙස වැඩසටහන් මෙහෙයවයි, මේ වනවිට රටවල් 18ක් පුරා ඇය දේශන පවත්වා ඇත  .

            වසර තුනක් ගුවන්යානා පදවන්නියක් ලෙස පුහුණුවෙන් පසු ලියාපදිංචිය ලැබුවාය . ටයිකොන්ඩෝ ක්‍රීඩාවේ කළුපටි දෙකකට හිමිකම්ද ලැබුවාය . ඇයට වාහන පැදවීමේ බලපත්‍රයද ඇත . ඇයට මිනිත්තුවක් තුල වචන 25 ක්  පරිඝනක ගත කිරීමේ හැකියාව ඇත . 2012 වසරේදී ඇය ' මෝස්ට් ඇස්පිරෙෂනල් වුමන් ඉන් ද වර්ල්ඩ් ' යන සම්මානයෙන් පිදුම් ලැබිය .

අපහරණය හා අඩහැරය .......

          සෝමාලියාව ගැන ඇසු පමණින් අපට මතකයට නැගෙන්නේ මන්දපෝෂණයෙන් පෙලෙන බඩවල් එල්ලා වැටෙන කෙසග සිරුරු ඇති , පිඩනයට ලක්වූ තවත් මනුෂ්‍ය කොට්ඨාශයකි. ඔවුන්ගේ දුක කවුරුත් දනිති. එහෙත් එලෙස පිඩනයට පත්වූ මේ මිනිසුන්ටම, ස්වභාවධර්මයා එරෙහි වුවා සේම, එරටේ නීතියද පිටුපාන බව මේ සිද්ධිය නිසා අපට ඒත්තු ගැන්වේ.

                පුද්ගලයන් දෙදෙනකු අතින් දුෂණයට ලක්වූ 19 හැවිරිදි තරුණියකට තමාට සිදුවූ  අසාධාරණයට සධාරණය සොයන්න අධිකරණයට ගොස් ගහෙන් වැටුන මිනිහට ගොනා ඇන්න සංකල්පයට යටත් වන්නට සිදුවූ බව මේ පුවතින් අපට වාර්තා විය. ඇගේ අසාධාරණය සදහා ඇයට ලැබුන තෑග්ග අත් හිටවූ සිර දඩුවම්ය. චුදිතයන් දෙදෙනාට අපහාස කලාට හා බොරු කීවාට මෙලෙස දඩුවම් ලැබුණි. එම පුවත වාර්තා කල වර්තාකරුටද එම දඩුවම තීරණය විය. එහෙත් වරදකරුවන් දෙදෙනා කිසිදු විටක අධිකරණයට නොපැමිණි බවද වාර්තා වේ. මෙය කැකිල්ලේ නඩු තීන්දුවකි.සෝමාලියාවේ ස්ත්‍රී දුෂණය තදින්ම පවතින රටක් බව, මේ අනුව වාර්තා වේ. 

                   කන්න බොන්න නැතිවනවා වගේම, නිදහසේ ඔවුන්ට ජීවත්වීමේ අයිතියද උදුරාගත් ආකාරයක් , මේ අනුව පෙනේ. ඔවුන්ගේ මානව හිමිකම් ගැන ලෝකයට තවමත් නොපෙනේද.....?

ජෝන් එෆ් , කෙනඩි මියගියමුත් මතකයේ බැදුණු අතීතය

                 තරුණ ඇමරිකන් ජනාධිපතිවරයකු වූ ජෝන් කෙනඩි මියගොස් වසර 50ක් ගත වුවද ,ඇමරිකානුවන් ඔහුව සිහිකරන්නේ දැඩි කම්පාවෙන් යුක්තවයි . ප්‍රසිද්ධ පෙළපාලියකදී ඔහුව ඝාතනය විය . එදත් දේශපාලනය අද වගේම වෙන්න ඇතැයි සිතමි . ඒත් වෙඩි වැදී සිටියදී ප්‍රතිකාර ගත් පාර්ක්ලන්ඩ් රෝහල හා ඔහු සිටි හදිසි අනතුරු කාමරය නම් කාලයක් යනතුරු යම් ගවුරවනිය වටිනාකමකින් යුක්ත ස්ථානයක් බවට පත්විය . ඒ ඔහු ජනතාව පිළිගත් නායකයකු වූ නිසාවෙනි . 

        එහෙත් පාර්ක්ලන්ඩ් රෝහලේ හදිසි අනතුරු කාමරයට පසුගිය දිනවල සිදුවුයේ කුමක්දැයි ලොවට හෙළි කරන්නට සිදුවුණා . මේ වනවිට ඒ කාමරය කුඩා කැබලි වලට කඩා , පෙට්ටි වල අසුරා පොලව යට ගබඩාවක තැන්පත් කර ඇති බව දැනගන්නට ලැබුන .

පාර්ක්ලන්ඩ් රෝහලේ එම කාමරය 1972දී කඩා ඉවත් කරද , සමරු පලකයක් එදා හිදී නිලධාරීන් සාදවා තිබෙනවා . මෙම කාමරය කඩන අවස්ථාවේ රෝහලේ එක් සේවකයෙක් මෙය දැක චායාරුප ගතකොට ඇත . 

         මෙම තීරණය ගැනීමට පෙර අදාල බලධාරීන් රජය සමග බොහෝ සාකච්චා කලද , ඔවුන්ට උවමනාවී ඇත්තේ , නොසුදුසු දේවල් ඉවත් කිරීමයි . මේවා මුදලට විකිනීමට වලක්විමටත් , කෙනඩි පවුලේ අයගේ සිත් රිදවීම් වැලක්වීමටත් ඔවුන්ට අවශ්‍යවී තිබෙනවා . රජය රෝහලට උපදෙස් දී ඇත්තේ , මාද්‍යට පවසන ලෙස ,කෙනඩි පුස්තකාලයට ඒවා ලබාදුන් බව . 

       15 වසරක් , මේවා ෆොර්ට් වර්ත් ප්‍රදේශයේ ගබඩා කර තිබු අතර , දැනට මෙම කොටස් , වසර 19 කට පසු , කැන්සාස් ප්‍රාන්තයේ බිම් මහලක තැන්පත් කර තිබෙනවා . එහෙත් එහි තිබු ගිලන් ඇද , එක්ස් කිරණ උපකරණය අතුරුදන්ව ඇත . ලෝක නායකයකුගේ වටිනකමක අවසානය හා මතක සැමරුම් , මතු පපුරට අවශ්‍ය නොවන බව මෙමගින් ඇමෙරිකානුවන් ලෝකයට නොදැනුවත්වම පවසා ඇත .

කුණු නිසා නගරාධිපතිට ගෙදර යන්න වෙයි.

                 කුණු නිසා ගෙදර යන්න වුන නගරාධිපති කෙනෙක් ගැන කොලොම්බියාවේ බොගෝට අගනුවරින් වාර්තා වේ. සිද්ධිය මෙසේය.බොගෝට අග නගරයේ එකතුවන කුණු නිසි අයුරින් කළමනාකරණය නොකිරීම හේතුවෙන් ජනතා චෝදනා ලැබූ නගරාධිපති ගුස්ටවෝ පෙට්‍රෝ හට මෙලෙස සිය තනතුර අහිමි විය. එම හේතුවෙන් ඔහුට ඉදිරි වසර 15ක කාලයක් දේශපාලනය කිරීමද තහනම් විය. ලබන වසරේ කොලොම්බියාවේ පැවැත්වෙන ජනාධිපතිවරනයටද ඔහු සාභාගී වීමට තිබියදී, මෙලෙස කටයුතු සිදුවිය.

                කොලොම්බියාවේ තත්වය මෙසේය.ජනතා විරෝධයට එරට පාලකයන් හිස නමයි. තමන්ට කරන්න බැරි නම් ඒ බව තේරුම් ගනියි. එය අප අගය කල යුතු ක්‍රියාවකි.තනතුරක වගකීම් දරන්නට බැරිනම් , හැකි කෙනෙකුට එම තනතුර ලබාදීම රටට කරන සෙතකි. තුන්වන ලෝකයේ රටක් වන කොලොම්බියාව සිය ඉදිරි ගමන මෙලෙස හැඩ ගන්වා ගැනීම, සෙසු රටවල් වලටද ආදර්ශයකි. බල ලෝභය නොතකා, රටක් ලෙස ජනතා මතයට ගරු කිරීම ප්‍රශංසනීයය.

බ්‍රිතානයේ හංසයින්ට අනතුරක්

    හංසයින්ට වැඩි ගව්රවයක් දක්වන රටකි බ්‍රිතාන්‍ය . 1998 දක්වා හංසයින් රැජින සතු දේපලක් ලෙස එරට රජය සලකන අතර , හංසයින්ට හිරිහැර කිරීමද රාජ ද්‍රෝහී ක්‍රියාවක් ලෙස බ්‍රිතාන්‍ය සලකා ඇත  . සතුන්ට එරෙහි කෘරත්වය වැළක්වීමේ රාජකීය සංගමය හංසයන් මරා ආහාරයට ගැනීමට මිනිසුන් තැත් කරන බව දන්වා සිටියේ දුන්නකින් විද තුවාල කරනු ලැබූ හංස ජෝඩුවක් ඩොර්සෙට් අසල ගංගාවකදී හමුව තිබීම හේතුවෙනි . සංගමයේ නිලධාරියකු දැඩි උත්සාහ දරා පිරිමි සතා බේරාගෙන ඇති අතර ගැහැණු සතා මියගොස් ඇත . 

     හංසයින් රාජකීය වස්තුවක් ලෙස සලකන නිසා හා ඔවුන්ට පුජනිය වස්තුවක් බැවින් , මෙය වෙනත් අයකු අයකු කල අනතුරක් බවට සැක පහල කරයි .  ඩි .එන් .ඒ . පරීක්ෂණ මගින් අපරාධකරු සෙවීමට මේ වන විට එම සංගමය උත්සහ දරයි . 

     හංසයින් යුවල ප්‍රේමනීය බැදීමකි , එය ඔවුන්ට  උරුම ගති ලක්ෂණයකි . දෙදෙනා ලං ලංව වාසය කරයි . තුඩින් තුඩ නිරතුරුව සිප ගනියි . ජිවිත කාලයටම එක අයෙකුට බැදී පවතී . එකිනෙකාගෙන් වෙන්වීම , දරාගත නොහැකි සිදුවීමකි . එහෙත් අනතුරට ලක්වූ හංසයා ඒ වන විට  සිය පෙම්වතිය මියගොස් ඇතිබව නොදන සිටි නිසා  . ඔහු ඇය එනතුරු බලාසිටිම හා ඉච්චාභාන්ගත්වයට පත්වීම වැලැක්වීම සදහා සොදුරියගේ නිසල දේහය හංසයාට පෙන්වීමට කටයුතුද ලේස්ති කරල තිබුණා.  . 

     බුදු දහමේද මෙවැනි සිදුවීමක් අපට සද කිදුරු ජාතකයේ හමුව ඇති බව මතකයට  නැගුණි . එයද ආත්මීය බැදීමක් බව තහවුරු විය . හංසයින් , මිනිස් සමාජයටද ආදර්ශ සපයන බව මේ අනුව පැහැදිලි වේ .

අපරාධ පාලනය කරන පාත්ත පොලිසිය

             චීනයට මුහුණ දීමට තිබෙන ප්‍රධාන ප්‍රශ්නයකි අපරාධ පාලනය . මෙම අපරාධ පාලනය කිරීම සදහා චීන පොලිසිය සම්ප්‍රධායික හා සම්ප්‍රධායික නොවන ක්‍රමද භාවිතා කිරීමට උත්සහ ගෙන ඇත . මේ අනුව චීනයේ සින්ජියන්ග් ප්‍රාන්තයේ අපරාධකරුවන් අල්ලා ගැනීම සදහා , එහි පොලිසිය අළුත් නිලධාරීන් පිරිසක් යොදවා ඇත . එම නිලධාරීන් නම් 20 දෙනා බැගින් වූ පාත්තයන් කණ්ඩායමකි . මෙම වසර මුලදී ඇරඹි , පාත්ත පොලිසිය ඉතා සාර්ථකව ක්‍රියාත්මක වන බව චීනයේ 'ද පීපල්ස් ඩේලි' පුවත්පත වාර්තා කරයි .

                  පාත්තයින් කුකුළු පවුලට අයිති වන අතර , ඉතා හොද සෝදිසි මට්ටමක් ඇති , තියුණු ශ්‍රවන තත්වයක් ඇති සත්ව විශේෂයකි . මෙම තීක්ෂණ සංවේදී , එඩිතර සත්වයින් සින්ජියන්ග් ප්‍රාන්තයේ අපරාධ පාලනය කිරීමට මහත් දායකත්වයක් දක්වයි . බල්ලන්ටත් වඩා සුවිශේෂී හැකියාවක් මොවුන් පෙන්වයි . දැන් මුළු චීනය පුරාම පාත්ත පොලිසිය යෙදවීමට සාකච්චා මට්ටමේ පවතින බව හෙළිවේ .

         මෙම පාත්තයින් සතුරා දුටු විට පහර දීමට තටු විහිදා සටන පටන් ගනී . හරියට විදුලි බලය හෝ වෙනයම් බලශක්ති ප්‍රභවයකින් තොරව රේඩාර් යන්ත්‍රයක් වගේ ක්‍රියා කරයි . මෙම පාත්ත පොලිසිය නිසා , කලබලකාරී සින්ජියන්ග් ප්‍රාන්තයට ආරක්ෂාකාරී භාවයක්  ලබාදී ඇත .

                 පසුගිය ජුනි මාසයේ පොලිස් මුලස්ථානයට කඩා වැදී පුද්ගලයකු , මෝටර් සයිකලයක් පැහැරගෙන යාමට තැත් කරද්දී , එම සොරා අල්ලා දීමට පාත්ත පොලිසිය සමත්වී ඇත . මේ අනුව බලන විට සතුන්ගෙන් සිදුවන ආරක්ෂාකාරී සේවාව අතීතයේදී මෙන් නවීන යුගයේදීද වැදගත් බව පෙන්වා දී ඇත . ලෝකය සමග අප ඉදිරියට ගියාද නැතහොත් නැවතත් අතීතයට පුනරාගමනය කලාද යන්න සිතා ගත නොහැක .

පොප් ගායිකා මැඩෝනාගේ අමිහිරි මතකය

                 ලෝකප්‍රකට පොප් ගායිකා මැඩෝනාගේ අමිහිරි අතීත මතකයන් ප්‍රථම වරට ජනමාද්‍ය ඉදිරියේ ඇය විසින් හෙළි කරන ලදී . ඇය මේ වන විට 55 හැවිරිදිය . ලෝකයේම ජනාදරයට පත්වුවද , ඇයටත් , ඇගේ අතීතය වේදනාකාරී වී ඇති බව ඇගේ ප්‍රකාශයෙන් හෙළිවිය . ලෝකයටම රහසක් කරගත් මේ සිදුවීම පිළිබද විචාරීමේදී පෙනී යන්නේ , ඇයද ලිංගික කෘරකම් සදහා මුහුණ දී ඇති ආකාරයයි . එය අද , ඊයේ කියා වෙනසක් නැතිවම කාන්තාව මුහුණදුන් තත්වයම  බව පෙනේ . සැම සාර්ථක ගැහැනියක්ම , අතීත පපොච්චාරණයන්හිදී දී තමන්ට විදින්න සිදුවූ , ලිංගික අඩන්තේට්ටම් ගැන ඉතාම වේදනාවෙන් පවසා ඇත  . සමහර විටක ජීවිතය දිනන්න ඇය ලැබූ පන්නරයද මෙයට හේතුවක් වන්නට ඇතැයි අපට සිතේ .  

               මැඩෝනා නිව්යෝක් නුවරදී , ක්ෂේශ්ත්‍රයට පැමිණි මුල් යුගයේ දී , වයස 19දි , පිහියක් අතින් ගත් පුද්ගලයකු විසින් ,පැහැරගෙන ගොස් වහලයක් මතදී දුෂණයට ලක්කල  බව කියා සිටි . 

...............මගේ කාමරය තිබුනේ තුන්වෙනි මහලේ , මං කාමරයට යන සැම මොහොතකදීම මට මේ සිදුවීම මතක් වෙන්න ගත්තා . එම සිදුවීමෙන් වසර 20කට පස්සේ මං ජීවත්වීමේ අරුත සොයන්න පටන් ගත්තේ , අද්යාත්මික ජීවිතයකට හුරු වෙමින් බව පවසයි ............ 

        ..............මගේ කුඩා කාලයේදී මම අපයෝජනයට ලක්වුනත් , අසරණ ළමුන් වෙනුවෙන් පෙනී සිටියා . ඒ හන්ද මාව , ළමුන් පැහැරගෙන යන , ළමා ජාවාරමේ යෙදෙන අයෙක් බවට චෝදනා කළා . ඒ වගේම මගේ සිපවැලද ගැනීම් දර්ශන වලදී , මාද්‍ය එයත් විවේචනය කලා . මම දරුවන් හදා වඩා ගන්නේ , ඔවුන්ට සේවාවක් කරන්න ,................

         ඒත් .... එයත් මාද්‍ය විවේචන වලට ලක්වුවට,  පසු නොබසින බව මැඩෝනා කියයි . මේ ඇගේ ජිවිත යථාර්තය බව , ප්‍රථම වරට කරන ලද ප්‍රසිද්ධ හෙළිදරව්වකින් අපට දැන ගන්නට ලැබුණි .  

අලෙවි වන සිරියානු මනමාලියන්

         සොදුරුතම සිහින මැදින් මනාලියක් වන්නට පෙරුම්පුරන සිරියානු තරුණියන් ...... තම සිහින පසෙකට දමා යුධ කදවුරු තුල දිවි ගෙවමින් , අනාගතය නොදන්නා ඉසව්වකට පා කරමින් සිය දිවියම කදුලින් ගතකරන ආකාරය හා තම මනමාල සිහිනය තුල දුක්බරව ජිවත් වෙමින් සිටින ආකාරය මේ සටහන තුලින් දැකිය හැක. ජෝර්දානයේ ඝටාරී කදවුරු තුල සුදුපාට කුඩාරම් තුල ධුවිලි තැවරුණු මොට්ටක්කිලී තුල සිරවී අපා දුක් විදින තරුණියන්ගේ ඉරණම ඛේදජනකය.  

                ඔවුන් සිරියානුවන් වුවත්, නැවත උපන් රටට යා නොහැක. ජෝදනය තුල රැකියාත් නොමැත. කාන්තාරය මැද ඉදිකර තිබෙන කුඩාරම් තුලට වී, සරණාගතයන් ලෙස ජිවත් වෙමින් අපිරිසිදු අහාර, අපිරිසිදු පානිය ජලය හා දුවිලි තුල සම්මිශ්‍රණය වෙමින් දිවි ගෙවන     මොවුන්ගේ කුඩාරම් අසල පියවරු  දිගු අගල් කපාගෙන ඇත්තේ තම දියණියන්ගේ ආරක්ෂාව සලසන්නටය. පීඩනය දරාගත නොහැකි මව්පියන් දියණියන්ගේ  ආරක්ෂාව පතා සිදු කරනුයේ අඩු වයසින්ම තම ලාබාල දුවරු, විවාහය වෙනුවෙන් අලෙවි කිරීමය. 

               මැද පෙරදිග රටවල් වල සිරිත මනමාලයා විසින් මනමාලියගේ දෙමාපියන්ට මිලක් දී මනාලිය කැන්දාගෙන යාමයි. මේ තත්වය වාසියට ගත් මනාලයන්, පැමිණෙන්නේ අඩු මිලට මනාලියක් ලබා ගැනීමටයි. මනාලයන් කදවුරු තුලට පැමිණෙන්නේ මුලින් සරණාගතයින්ට ආධාර කරන දානපතියන් විලසිනි. අඩු වයස් ඇති දැරිවියන් සිටින පවුල් වලට මුලිකත්වය දෙමින්, උදව් කරමින්, එහෙත් අවසානයේ ආධාරය අවසන් වන්නේ ගනුදෙනුවක විලසින් බාල වයස්කාර දැරිවියක් වයස 60,50 පමණ වන මනමාලයෙකුට කසාද බන්දවමිනි. 

            මෙහි භයානකම තත්වය නම් , විවාහයෙන් සතියකට පසු මනමාලයා අතුරුදහන් වේ. හේතුව විවාහය පදනම් කොටගත් ලිංගික ගනුදෙනුවක් පමණක් වන අතර මෙහි සත්‍ය විවාහයේ අරමුණු ඉටුනොවුන බවය. මේ කාලය තුල ඔවුන් විදි ලිංගික පීඩන අපමණය. මේවා මව්වරු අසා සිටින්නේ වෙන කරන්නට දෙයක් නොමැති නිසාවෙනි. ආසරණකම හා දුප්පත්කම පමණක් උරුම ඔවුන්ට කාගේවත් පිහිටක් නැත. එලෙස විවාහ වූ තරුණියන්ට දික්කසදායාවත් ලැබෙන්නේ නැත. ඔවුන් වැන්දබුවන් ලෙසම සිරියාවට යා නොහැකිව දිවි ගෙවීමට සිදුව ඇත. මේ සිරියානු මනමාලියන්ගේ තත්වයයි.