Friday, May 30, 2014

කුණු නිසා නගරාධිපතිට ගෙදර යන්න වෙයි.

                 කුණු නිසා ගෙදර යන්න වුන නගරාධිපති කෙනෙක් ගැන කොලොම්බියාවේ බොගෝට අගනුවරින් වාර්තා වේ. සිද්ධිය මෙසේය.බොගෝට අග නගරයේ එකතුවන කුණු නිසි අයුරින් කළමනාකරණය නොකිරීම හේතුවෙන් ජනතා චෝදනා ලැබූ නගරාධිපති ගුස්ටවෝ පෙට්‍රෝ හට මෙලෙස සිය තනතුර අහිමි විය. එම හේතුවෙන් ඔහුට ඉදිරි වසර 15ක කාලයක් දේශපාලනය කිරීමද තහනම් විය. ලබන වසරේ කොලොම්බියාවේ පැවැත්වෙන ජනාධිපතිවරනයටද ඔහු සාභාගී වීමට තිබියදී, මෙලෙස කටයුතු සිදුවිය.
                කොලොම්බියාවේ තත්වය මෙසේය.ජනතා විරෝධයට එරට පාලකයන් හිස නමයි. තමන්ට කරන්න බැරි නම් ඒ බව තේරුම් ගනියි. එය අප අගය කල යුතු ක්‍රියාවකි.තනතුරක වගකීම් දරන්නට බැරිනම් , හැකි කෙනෙකුට එම තනතුර ලබාදීම රටට කරන සෙතකි. තුන්වන ලෝකයේ රටක් වන කොලොම්බියාව සිය ඉදිරි ගමන මෙලෙස හැඩ ගන්වා ගැනීම, සෙසු රටවල් වලටද ආදර්ශයකි. බල ලෝභය නොතකා, රටක් ලෙස ජනතා මතයට ගරු කිරීම ප්‍රශංසනීයය.

Wednesday, May 28, 2014

සිහිනයක් වූ නුඹ ....



වරෙක නුඹ මට කවියක් විය .....
ජීවිතය පුරා නින්නාද වන .....
ගීතයක් තරම් මියුරු විය .....
දෙසවන් වැකුණු ඒ ගී හඩ අසන්න
කොතෙක් මා ප්‍රියවිද .....

සිහිනයෙන් මෙන් නිබද ඇසෙන
ඒ ගී රාවය ...... බොහෝ නිමේශයන්හි
ම'සිත පෙලනවා ඔබ සිහිවී ......
සැනෙකින් .... ඔබේ රුව

බොදවූ මතකයෙන් එබී බලනවා ....
ඒ සිහිනයක්දයි කියා මට සිතෙනවා .....
එනමුදු මට හැගෙනුයේ
නුඹට වඩා සිහිනය ...... සුන්දර වූ වගයි .....

Monday, May 26, 2014

සෙබළ යථාර්තය

 
            
               කවර හෝ හමුදාවක සෙබළකූ වීම පුද්ගලයකූගේ අභිමානය වැඩි කරවන්නකි. නිල ඇදුමක් ඇදීම නිලයක් ලැබිම බලයක් ලැබීම සෙබළකූගේ පෞරුෂය තව දුරටත් ව්රධනය වන්නේ යයි හැගේ. සෙබළකූ වීමට සමහරකූ ආශා කරයි. සමහරක් වෘත්තියක් ලෙස පමණකින් සෙබලකූ වි සිටියි. මෙහීදී ඹවුහු සිය නිල ඇදුමට ආශා කරන තරමටම වෛර කරන්නටද පෙළඹෙී. මෙයට සමාජීය හේතූ ගණනාවක් බලපෑ ඇති බව අවධාරනය වන්නකි. සෙබළකූ ලෙස සමාජානුයෝ්ජනය ලැබු පුද්ගලයා සාමාන්‍ය සිවිල් සමාජයේ පුරවැසියෙකි. 

             යුද්ධය සමග කර ගැසු සෙබළා පහුගිය කාල වකවානුවෙි සාමාන්‍ය ජන ජීවිතයෙන් ඈත්ව සිටීම දෛවෝපගතය. ඹහුට නිවසක් පවුලක් හෝ තමාට තමාම නැති තරමට මානසික අවපීඩනයකට ලක්ව ඇති බව ඔවුන් සමග කෙරුණු සාකචිඡුා වලදී හෙලිව ගිය කරුණකි. මෙවන් පසුබිමක් තූළ වු පුද්ගලයා යොමු වු සංසිද්දීන් විග‍්‍රහ කර බැලීමෙදී මතූ වු විෂමතා යමි අවස්ථා වලදී චර්්‍යා විරෝධි විය. හදුනා ගත් චර්යාබාද මෙලෙස සටහන් කල හැක.

1. මංකොල්ලකෑමි සදහා සංවිධානය වීම.

             සෙබළ ජීවිතයේ ලබා ඇති පුහුණුවීමි උපයෝගි කොට ගෙන සංවිධානාත්මක කල්ලි හා පාතාලයේ යමි ක‍්‍රියාකාරකමි සදහා දායක වීම.

2. මිනීමැරීමි පහරදීමි ආදි අපරාධ සිදුකිරීමි 

  

        සංවිධානාත්මක කල්ලි ගැසීමෙි ප‍්‍රතිඵලයක කි‍්‍රයාකාරකමි ලෙස මෙම අපරාධ දැක්විය හැකි උවද මානසික හෙතූ කාරණ කොට ගෙනද ඵනමි මානසික අවපීඩන තත්වයන් තූළ සිදුවන ප‍්‍රකමිපන තූලින්ද මෙවැනි අපරාධ සෙබළකූ තූලින් දැකිය හැක. ඵනමි සෙබලකූ අනිවාර්‍යයෙන්ම සමබර පුද්ගලයකූ වීම අත්‍යවශ්‍ය අංගයක් උවද ඹහුගේ වටපිටාව තූලින් අසමතූලිත පුද්ගලයකූ නිර්මාණය වීමෙි හැකියාව බොහෝ විට දැකිය හැක.


3. දේශපාලනික අපරාධ සදහා පෙලඹීම

  
              මෙි වන විට බොහෝ දේශපාලන සංවිධාන වල ආරක්ෂක කටයුතූ බාරව සිටිනුයේ හිටපු සෙබළුන් විම විශේශ ලක්ෂණයකි. මෙවැනි බල අරගලයන් තූල සිදු වු බොහෝ අපරාධ ඹවුන් විසින් සිදු කරනු ලැබුවෙි නිර්ණාමිකවය. ඵම හේතූවෙන් ඇතැම් අවස්ථා වල සෙබල පුහුණුව ප‍්‍රායෝගික වුයේ දේශපාලන රාමුවෙි ක‍්‍රියාකාරකමි සදහාය.


4.ලිංගික අපරාධ සදහා නැමියාවක් දැක්වීම .  


         සෙබළු අතර ලිංගිකමය වශයෙන් සිදුවන අපරාධ බහුලව දක්නට ඇති බව මෑත කාලීන සිදු විමි දෙස බැලීමෙදි පෙනී යන්නකි. මෙහීදී සෙබළු අතර සිදු වන සමලිංගික සේවනය හේතූවෙන් සිදු වු අපරාධ නිහඩ බවින් යුක්ත වුවද අනෙකූත් ලිංගික අපරාධ සදහා වැඩි ප‍්‍රසිද්දියක් ලැබුනි. ඵනමි බාල වයස්කාර දැරියන් දුෂණය කිරීම පැහැර ගෙන යාම කාන්තාවන් දුෂණය මෙි අතූරින්   ප‍්‍රධාන   තැනැක් ගන්නා ලදි. තවදුරටත් මවුන්ගේ අවිචාරවත් සබදතා ඵනමි ගණිකා ඇසුර සමිබන්ධයෙන් මතූ වු අපරාධද මෙි අතර දක්ට ලැබුනි.

            මෙවැනි ලිංගික අපරාධ සදහා ඹවුන් තූළ වු නැමියාව සෙබලකූ නිර්මානය වු වටපිවෙන් උරුම ලද්දකි. ඉහත සදහන් කල හේතූන් යථානුභූතිව පුද්ගල මනස තූලට බලපා ඇති බැවින් මවුන්ගේ අතෘප්තිකර ආශාවන් ඔවුන් අපරාධ නැමියා ඇත්තන් වීමට බලපෑවෙි සහේතූකවය.

   

               සියළු හේතූ සැලැකිල්ලට ගැනීමෙදී සංෂිප්තව ගත හැකි ඵකම කරුණ සෙබළකූ වීමෙි ප‍්‍රාතිහාර්‍යය ජීවිතය විදින මනුෂ්‍යයින් ලෙස නොව විදවන මනුෂ්‍යය කොටිඨාශයක් ලෙස සමාජීය දේශපාලන වටපිටාව ඔවුන් බිහි කල බවයි. ඉනික්බිති සමාජීය අපරාධ සදහා පෙළඹීමෙ ප‍්‍රවනතාවය තවදුරටත් වර්ධනය වන්නේය. 


                  ලෝකයේ සියළුම සෙබල ජීවිත සදහා මෙවැනි සාමාන්‍යකරනයක් තිබීම යුද්ධ ඉතිහාසය දෙස බැලීමෙදි පැහැදිලි වන්නකි. සියළුම පාලන තන්ත‍්‍රයන් පැවැති රාජ්‍යන් ඵනමි රාජාණ්ඩු  පාලනය , සමුහාන්ඩු , හමුදා ආණ්ඩු , සමාජවාදි ප‍්‍රජාතන්ත‍්‍රවාදී පාලන තූළින් පවා සෙබළ නැමැති පුද්ගල චරිත කාලීන අවශ්‍යතා වලට අනුගත විය. ඵබැවින් සෙබළකූ වීම පුද්ගලයකූට තවදුරටත් ප‍්‍රාතිහාර්‍යක් නොවන බව වැටහෙනු ඇත.


Saturday, May 24, 2014

බ්‍රිතානයේ හංසයින්ට අනතුරක්







    හංසයින්ට වැඩි ගව්රවයක් දක්වන රටකි බ්‍රිතාන්‍ය . 1998 දක්වා හංසයින් රැජින සතු දේපලක් ලෙස එරට රජය සලකන අතර , හංසයින්ට හිරිහැර කිරීමද රාජ ද්‍රෝහී ක්‍රියාවක් ලෙස බ්‍රිතාන්‍ය සලකා ඇත  . සතුන්ට එරෙහි කෘරත්වය වැළක්වීමේ රාජකීය සංගමය හංසයන් මරා ආහාරයට ගැනීමට මිනිසුන් තැත් කරන බව දන්වා සිටියේ දුන්නකින් විද තුවාල කරනු ලැබූ හංස ජෝඩුවක් ඩොර්සෙට් අසල ගංගාවකදී හමුව තිබීම හේතුවෙනි . සංගමයේ නිලධාරියකු දැඩි උත්සාහ දරා පිරිමි සතා බේරාගෙන ඇති අතර ගැහැණු සතා මියගොස් ඇත . 

     හංසයින් රාජකීය වස්තුවක් ලෙස සලකන නිසා හා ඔවුන්ට පුජනිය වස්තුවක් බැවින් , මෙය වෙනත් අයකු අයකු කල අනතුරක් බවට සැක පහල කරයි .  ඩි .එන් .ඒ . පරීක්ෂණ මගින් අපරාධකරු සෙවීමට මේ වන විට එම සංගමය උත්සහ දරයි . 

     හංසයින් යුවල ප්‍රේමනීය බැදීමකි , එය ඔවුන්ට  උරුම ගති ලක්ෂණයකි . දෙදෙනා ලං ලංව වාසය කරයි . තුඩින් තුඩ නිරතුරුව සිප ගනියි . ජිවිත කාලයටම එක අයෙකුට බැදී පවතී . එකිනෙකාගෙන් වෙන්වීම , දරාගත නොහැකි සිදුවීමකි . එහෙත් අනතුරට ලක්වූ හංසයා ඒ වන විට  සිය පෙම්වතිය මියගොස් ඇතිබව නොදන සිටි නිසා  . ඔහු ඇය එනතුරු බලාසිටිම හා ඉච්චාභාන්ගත්වයට පත්වීම වැලැක්වීම සදහා සොදුරියගේ නිසල දේහය හංසයාට පෙන්වීමට කටයුතුද ලේස්ති කරල තිබුණා.  . 

     බුදු දහමේද මෙවැනි සිදුවීමක් අපට සද කිදුරු ජාතකයේ හමුව ඇති බව මතකයට  නැගුණි . එයද ආත්මීය බැදීමක් බව තහවුරු විය . හංසයින් , මිනිස් සමාජයටද ආදර්ශ සපයන බව මේ අනුව පැහැදිලි වේ .

Thursday, May 22, 2014

අපරාධ පාලනය කරන පාත්ත පොලිසිය


             චීනයට මුහුණ දීමට තිබෙන ප්‍රධාන ප්‍රශ්නයකි අපරාධ පාලනය . මෙම අපරාධ පාලනය කිරීම සදහා චීන පොලිසිය සම්ප්‍රධායික හා සම්ප්‍රධායික නොවන ක්‍රමද භාවිතා කිරීමට උත්සහ ගෙන ඇත . මේ අනුව චීනයේ සින්ජියන්ග් ප්‍රාන්තයේ අපරාධකරුවන් අල්ලා ගැනීම සදහා , එහි පොලිසිය අළුත් නිලධාරීන් පිරිසක් යොදවා ඇත . එම නිලධාරීන් නම් 20 දෙනා බැගින් වූ පාත්තයන් කණ්ඩායමකි . මෙම වසර මුලදී ඇරඹි , පාත්ත පොලිසිය ඉතා සාර්ථකව ක්‍රියාත්මක වන බව චීනයේ 'ද පීපල්ස් ඩේලි' පුවත්පත වාර්තා කරයි .

                  පාත්තයින් කුකුළු පවුලට අයිති වන අතර , ඉතා හොද සෝදිසි මට්ටමක් ඇති , තියුණු ශ්‍රවන තත්වයක් ඇති සත්ව විශේෂයකි . මෙම තීක්ෂණ සංවේදී , එඩිතර සත්වයින් සින්ජියන්ග් ප්‍රාන්තයේ අපරාධ පාලනය කිරීමට මහත් දායකත්වයක් දක්වයි . බල්ලන්ටත් වඩා සුවිශේෂී හැකියාවක් මොවුන් පෙන්වයි . දැන් මුළු චීනය පුරාම පාත්ත පොලිසිය යෙදවීමට සාකච්චා මට්ටමේ පවතින බව හෙළිවේ .

         මෙම පාත්තයින් සතුරා දුටු විට පහර දීමට තටු විහිදා සටන පටන් ගනී . හරියට විදුලි බලය හෝ වෙනයම් බලශක්ති ප්‍රභවයකින් තොරව රේඩාර් යන්ත්‍රයක් වගේ ක්‍රියා කරයි . මෙම පාත්ත පොලිසිය නිසා , කලබලකාරී සින්ජියන්ග් ප්‍රාන්තයට ආරක්ෂාකාරී භාවයක්  ලබාදී ඇත .

                 පසුගිය ජුනි මාසයේ පොලිස් මුලස්ථානයට කඩා වැදී පුද්ගලයකු , මෝටර් සයිකලයක් පැහැරගෙන යාමට තැත් කරද්දී , එම සොරා අල්ලා දීමට පාත්ත පොලිසිය සමත්වී ඇත . මේ අනුව බලන විට සතුන්ගෙන් සිදුවන ආරක්ෂාකාරී සේවාව අතීතයේදී මෙන් නවීන යුගයේදීද වැදගත් බව පෙන්වා දී ඇත . ලෝකය සමග අප ඉදිරියට ගියාද නැතහොත් නැවතත් අතීතයට පුනරාගමනය කලාද යන්න සිතා ගත නොහැක .

Tuesday, May 20, 2014

හිත මන්දාරම් ....



නුඹත් එක්ක ඇවිද යන්න
දෑතේ වේලි සිනාසෙන්න 
කෝල සිතින් පෙම් කරන්න
නුඹ එන්නේ කවදද මන්දා ......

හිත මගේ ලග .... වත දුර අඩවියක 
           
           හීන පිරුණු ලොවක් ලග
           මගේ හිත මන්දාරම් ....
           
කොද කැකුළු පුදිමින් ......
           දැයි බලමින්.....
          
 නිසංසලේ නුඹ එනතෙක් ........ 
 බලන් ඉන්නද ......?
 කියන් මට තාරකාවෙනි
 පිනි කදුළු අතුරන්න පෙරාතුව 
 ඔහු එන්නේ කවදද කියා..... මට 

Saturday, May 17, 2014

දෙවියන් හා භූතයින් චුදිතයින් කල හැකිද......?


           
  
          ගැහැනියක් පිරිමියෙක් හා එකට ජීවත්වීම මානුෂිය අයිතියකි. එහෙත් එම අයිතිය කාලීනව තහවරු වනුයේ විවාහයක් ලෙස ලියාපදිංචි වීමෙනි. එම නිත්යානුකුල අයිතිය ලබා ගත යුත්තේ තම ආත්මාර්ථය සදහා නොව තවෙකෙකුට මානුශියව සාපේක්ෂ වීමෙනි. එක පාර්ශවයක් පිඩාවට පත් කරමින් ස්වර්තයට කටයුතු කිරීම මානුෂිය අයිතීන් උල්ලංගනය කිරීමක් බව තව දුරටත් නොසිතන්නේ මන්ද?

         නිලානි වයස අවරුදු 32 ක් පමණ වන ගොළු තරුණියකි. පියා රජයේ වැදගත් රැකියාවක් කරන දැනට විශ්රාමිකව සිටින්නෙකි. මද්‍යම  පන්තික පවුල් පසුබිමක් සහිත ඇය , කුඩා කල සිට අන්ධ , ගොළු , බිහිරි පාසලක සාර්ථකව අධ්යාපනය ලබා රැකියාවක්ද කල තැනැත්තියකි.

        තරුණ වියට එළඹී ඇය හට මව්පියෝ විවාහයක් කර දුන්හ. ඔහුද ගොළු තරුණයෙක් වූ අතර ඇය මෙන් අධ්යාපනය ලැබුවෙකි. එහෙත් එම විවාහය ගැටළු සහිත විය. ස්වාමි පුරුෂයා බිරිදට නොසලකන්නටත් මග හරින්නටත් උත්සහ ගත්  නිසා අසාර්ථක වූ විවාහය තුල ඇය විසින් නඩත්තු ඉල්ලා නඩුවක් ගොනු කරන ලදී. එහිදී නඩත්තු මුදල් ගෙවන ලෙසට ඔහුට නියම උනි.

         නඩත්තු නොගෙවා අධිකරණ නියෝගය මග හරින්නට සිතු ඔහුට ඒ සදහා සුදුසු අවස්ථාවක් ලැබුනි. අබාධිතයන්ගේ  ඔලිම්පික් ක්රීඩා එනම් , පැරා ඔලිම්පික් සදහා තරග කිරීමට විදේශයකට යාමට අවස්ථාව ලැබීමෙනි . එම තරග සදහා සභාගි වූ ඔහු තම කණ්ඩායම මගහැර එම රටෙහිම නතර වීමට හොර රහසේම සැලසුම් කරන ලදී. ඔහු නැවත මව්බිමට අවේ නැත. බිරිදට නඩත්තු ගෙවීමේ නඩුවෙන් ඔහුට නිදහස ලැබුණි.

         ගොළු තරුණිය නැවත අසරණ විය. ස්වාමියා හැරයාම නඩත්තු මුදල් නොගෙවීම ආදී මානසික ගැටළු රාශියකට ඇය ගොදුරු විය. මව්පියෝ ඇයව සනසා නැවත සිය ගෙදර , ඔවුන්ගේ ගමට රැගෙන යන ලදී. කලක් එලෙස ගත විය. මව්පියන් නැවත ඇය විවාහ කර දෙන්නට සිතුහ. ගමේම තරුණයකු ඇයව විවාහ කර ගන්නට කැමැත්ත පළකර සිටියේය. ඔහු 24 හැවිරිදි හමුදා සේවය අතහැර ගිය අයෙකි. ඇයගෙ සියලු තතු දැන ඇයව විවාහ කර ගන්නා ලදී. ඇයගෙම නිවසේම පදිංචිව සිටි  ඔහු පව්ද්ගලික වැඩ බිමක ආරක්ෂක නිලධාරියෙකු ලෙස රැකියාව කරන ලදී. ඔහුගේ රැකියාව වුයේ රාත්‍රී  කාලයේ වැඩ බිම ආරක්ෂා කිරීමය්. උදය වරුවේ ගෙදර පැමිණ , කා බි නිදාගෙන නැවත සවස් කාලයේ රැකියාවට යන ලදී.

         එම විවාහයෙන්ද ඇයට වුයේ කබලෙන් ලිපට වැටීමකි. ටික කලකින් ඔහුද ඇයට වෙනස්කම් කරමින් විවාහයේ වගකීම් හා යුතුකම් පැහර හරින්නට විය. ඒ අතර තුර ඇයගෙ දරු ගැබද ගබ්සා විය. ඇය වෙන තරුණියක හා ඇසුරකට  වැටි ඇති බව ඇයගේ දෙමව්පියන් චෝදනා කරයි . අසාර්ථක වූ විවාහය සදහා ඇයගෙ දෙමව්පියන් නැවත වරක් අධිකරණයේ පිහිට පතන්නට විය.

           එම විවාහය ගැන තරුණයාගේ මතය වුයේ බිරිදගේ ගෙදරින් තමාට මොනවා හරි දී හිත අල්ලා  ගත් බවත් , කාලයක් ගතවන විට අහම්බෙන් උරු මස් කැවුණු විට හොද සිහිය විත් විවාහය එපා වූ බවයි . තමාට වඩා  වයසැති රුපශ්‍රීයද අඩු , පළමු ස්වාමියද අතර ගිය , ගොළු කාන්තාවක හා විවාහ වීම කිසි දිනක තමා  අපේක්ෂා නොකළ බවත්ය .

පසු වදන

ගැහැනියක් පිරිමියෙක් හා එකට ජීවත්වීම මානුෂිය අයිතියකි. එහෙත් එම අයිතිය කාලීනව තහවරු වනුයේ විවාහයක් ලෙස ලියාපදිංචි වීමෙනි. එම නිත්යානුකුල අයිතිය ලබා ගත යුත්තේ තම ආත්මාර්ථය සදහා නොව තවෙකෙකුට මානුශියව සාපේක්ෂ වීමෙනි. එක පාර්ශවයක් පිඩාවට පත් කරමින් ස්වර්තයට කටයුතු කිරීම මානුෂිය අයිතීන් උල්ලංගනය කිරීමක් බව තව දුරටත් මොවුන් නොසිතන්නේ මන්ද?

          විවාහයක් සදහා ද්විපාර්ශවිය ගැලපීම බාහිරව සපුරාලීම අත්‍යවශ්‍ය  වන්නේ විවාහයක් බිද වැටීම අවම කරන්නට මිස , මානුෂිය හැගීම් පාලනය කරන්නට නොවේ. දෙමව්පියන් තම විශේෂ තත්වයේ වූ මෙවැනි දරුවන් සම්බන්ධයෙන් තීරණ ගැනීමේදී වඩාත් සැලකිලිමත් විය යුතුය. තම වගකීමෙන් නිදහස්වීම සදහා කවරෙකුගේ හෝ භාරකාරත්වයට තම දරුවා පත් කිරීම මගින් වඩාත් අසරණ වන්නේ තම දරුවම බව සිහි තබා ගත යුතුය.

       මේ අනුව බැලීමේදී , අදෘශ්යමාන බලවේග විවාහයක් සදහා යොමු කිරීම හා බිද වැටීම අතර සහ සම්බන්ධතාවයක් ගොඩනැගෙන්නේ කෙළෙසින්ද සිතාගත නොහැක.

         21 වන සියවසේ ජිවත් වන්නන් ලෙස තම තීරණ ගැනීමේ වගකීම තමාට මිස වෙනත් බලවේග මත පැටවීම හාස්යජනකය. තම ආත්මාර්ථකාමී අරමුණු ඉටු නොවුණු කල සියලු දේ සදහා දෙවියන් හා භූතයින් චුදිතයන් කිරීමෙන්, අසාර්ථක  විවාහයකදී අද වන විට . දීලා අල්ල ගැනීමේ කලාව . බවට පත්ව ඇතත්, තම හර්ද සාක්ෂියෙන් ගැලවිමද සිතා ගත නොහැක.

                නීතියේ ආධිපත්ය තහවුරු කිරීම සදහා අදෘශ්යමාන බලවේග හෝ වෙනත් සංවේදීතාවයන් අදාල වන්නේ නැත . අවශ්‍ය  වන්නේ යමක් සිදුවීම පිළිබද මුල මැද අග සම්බන්ධතාවය පමණි. ශ්‍රීලංකා ආණ්ඩුක්‍රම  ව්‍යවස්ථාවට අනුව නිතිය සියල්ල විසදනු ඇත. එහෙත් ඇයගේ අසරනභාවය සමාජ ප්‍රශ්නයක් ලෙස තව දුරටත් ඉතිරි විය. මේ වන විටත් , ඇය දැඩි මානසික අර්බුදයකට ලක්ව ඇති සැටියක් පෙන්නුම් කරන්නේ කිසිවක් පලකල නොහැකි මුවින් බලාගත් අත බල සිටීම පුරුද්දක් කරගෙන සිටින නිසාය.

Friday, May 16, 2014

ඇය ගණිකාවක්ද .......?

              ගණිකාව  .... යන වචනය මා දන්නා විදියට පොදු  නාමයක් ලෙස හැදින්විය හැක.මක් නිසාද යත් පිරිමි ගණිකාවෝ ගැනද අද කතා කරන බැවිනි. එහෙත් වචනයේ අර්ථයෙන්ම මෙය හදුන්වන්නේ කාන්තාවන් ගැන පමණක් වන  අර්ථයෙන් එන වචනයක් ලෙසය. මන්ද...... සැමදා විවේචනයට ලක් වන්නේ කාන්තා ගණිකාවෝ පමණක්ම බැවිනි. ගණිකාව ගැන කතා කරද්දී එක්වරම මනසට එන්නේ කාන්තා රූපයකි. ඒ කියන්නේ අපේ චින්තනයේ රැදී තියෙන්නේ, ගණිකාව කාන්තාවකි යන මතයයි. ඒ වගේම, පිළිකුල් සහගත සිතිවිල්ලකි. කවුරු හරි කිව්වොත් අර යන්නේ ගණිකාවක් කියල, අපි බලන්නේ ඇස් ලොකු කරගෙන. ඒ තරමට වෙනස් හැගීමක් , නොරුස්සනා ගතියක් එක්වරම මොලයට එන්නේ වචනයේ වරදින්ද මන්දා , 
          සමහර අය කියනවා මේක සමාජ සේවයක් කියල, මොකද දුෂණ, අතවර,සමහර  මානසික රෝග සදහා යම් පාලනයක් මෙමගින් සිදුවනව කියල. තවත් අය කියනවා, මෙමගින් භයානක රෝග හැදෙනවා කියල. මේ දෙකම ඇත්ත. ඒත් ගණිකාව කියන්නේ කවුද කියල අපි කොහොමද හදුන ගන්නේ , ඒ සදහා නිර්වචන තියනවද.....? අපි ගණිකාවෝ කියල හිතාගෙන ඉන්න අය  පාරෙත් ඉන්නවා , ගෙදරත් ඉන්නවා, ඒ කියන්නේ එක් පිරිමියෙකුට වඩා ආශ්‍රය කරන අය, ඒ අයගෙන් සල්ලි ගන්න අය, තමයි, මේ විදියට හදුනාගෙන තියෙන්නේ. ලංකාව තුල ගණිකාව හදුන්වන අවිධිමත් ක්‍රමය තමයි,මේක. මේ තර්කය  හැමෝටම මේ විදියට සාධාරණය වනවාද කියන එක දැන්නම් ගැටළුවක්, මේ විදියට බැලුවම ලංකාවෙන් සියයට අනුවක්ම, මේ ඝනයට වැටෙන්නේ ඉබේම. තමන්ගේ අම්මා, සහෝදරිය, දියණිය, මිණිපිරිය මේ සියළු චරිත මේ තර්කනයට ඇතුලත් වෙලා දන්නෙම නැතුව. මේ තුල තිබුනාවූ මානුෂික හැගීම් ඉවත් වෙලා, ගැහැණිය රොබෝවරු මෙන්   පිරිමින්ගේ අතකොලු බවට පත්වීමේ වැඩි ප්‍රවනතාවයක්, මේ රාමුව තුල ගැබ්වෙලා තියෙනවා කියල නම් හිතෙනවා. 
                බටහිර කාන්තාව හා පෙරදිග කාන්තාව වෙනස් වන්නේ, මේ විදියට තියෙන්නාවූ පුරුෂාර්ථ නිසාවෙනි. මිනිසුන් තුල ස්වභාවයෙන්ම තියෙන්නාවූ, ලිංගික කැමැත්ත සදහා පනවන ලද මෙවැනි සීමාකම් නිසා, කාන්තාව, ලංකා සමාජයේ  ගණිකාවක් කර ඇත. ඔවුන්ට අනුව යම් සුවිශේෂී වූ හේතුවක් මත කාන්තාව බැබළේ නම්, ඇය ගණිකාවක් වන්නේමය. බටහිර කාන්තාවට මේ ගැටලුව නැත. පවුද්ගලික කාරනා වෙනුවට, ඇයගෙන් රටට ගතහැකි ප්‍රයෝජනය නිසැකවම, තර්කයකින් තොරව ලබා ගැනීමට දියුණු සමාජ පියවර ගෙන ඇත. ලෝක ප්‍රසිද්ධ කාන්තාවෝ ගැන හැදෑරීමේදී, ඔවුන්ගේ චරිතපදනයන් තුල වූ අඩුපාඩු, සැලකිල්ලට ගත් ආකාරයක් මේවායින් දෘශ්‍ය නොවේ. ඒවා විවේචනයටද බදුන් නොවේ. මක් නිසාද යත්, තමන්ටම වෙන්වූ ජිවන රටාවක් කාටත් උරුමවීම හා ඒවායින් අන් අයගේ නිදහසද සිමා නොවීම නිසාවෙනි. සදාචාරය යනු මෙයයි, කැ ගසා හොයන නැතිවෙනවා යයි කියන සදාචාරය ආරක්ෂා කරන්නේ ගණිකාවන් නිර්මාණය කිරීමට නොවේ. ලේබල්වාදී සමාජය මේවා තේරුම් ගත යුතුය. කාටද මෙලෙස ඇගිල්ල දිගු කරන්නේ...? තමන් දෙසටම වක්‍රව, තම පවුල තුලටම බව, සියල්ලෝම මතක තියා ගත යුතුය. 
           මෙම සටහන පාදක වුයේ...... පසුගිය වකවානුවේ දේශපාලන වේදිකාවේ රටටම කැ ගසා ඇතැමුන් කරන ලද ප්‍රකාශයන් නිසාය. 

Wednesday, May 14, 2014

අයාලේ ගිය නුඹ


             අයාලේ ගිය නුඹ ..............

අයාලේ ගිය නුඹේ වත සිව්මන්සලක නතරව 

වැඩිම ලන්සුවකට වෙන්දේසියක තප්පුලන 

කවරකුගේ මන දොළ සපුරන්න රුසිරුව පෙළ ගැසී ....

උවම් දිගහැර , නෙතු සිසිල පිහාදමා  වාරු හැර 

ශෝබමනාව පේවී සුගන්ධයෙන් මන්මත්ව හිදින කල 

මන්සලේ දිවෙන විදුලි ධාරා රුධිර සරණයට වඩා වේගෙන් 

නුඹත් පසුකර නුඹෙන් ඇතට දුව ගියත් උකුසු ඇස්

නුඹව සොයමින් , එකතු කර බා ගන්නට මාන බලන සරි 

විගහට දිවවිත් , දොරැර , ඇතුලට ගුලි ගැසී පියඹා යයි 

නන්නාදුනන සොදුරු පුරවරයක දැහැන් ගත වන්නට 

 සොදුරු සිහිනයේ අවසාන හෝරාව පසු කරලන්නට නොහැකිව 

වල්මත්ව , විපිලිසරව නීතියේ යදමින් නුඹ වට වෙද්දී 

දිනෙක  පාදඩ නිතිය නුඹව වට කරන් අයාලේ ගිය වරදට 

හුදකලාව උකටලීව , වරදක් නොවූ වරදට විද සිර දඩුවම් 

හෙම්බත්ව , කුටුම්භයක සුසුම්ලන නුඹේ හද හැමදාම 

හැම විදියකම , දෝංකාරය නොදෙයිද ශාපලත් පුරවරයේ .....